×

新导航介绍,点击查看

当前位置:旅游社区 > 旅游心情

畢業旅遊 6.18-6.19

(原创)
  • 发表日期:2009-06-21
  • 点击数:1582
  • 投票数:0

 為期兩日既畢業旅遊系尋日就告一段落啦!

E家又落大雨啦!好彩旅遊既兩日都無落雨姐~

好好好~廢話唔多講,毕業旅遊,showtime...

====================================================
18号一大清早就黎到柏丽酒店准备上车啦~

7.30-7.45....8.00我地开车出发~

导游滨哥哥话我地要坐4个钟既车程~12.00先到啦!

不过呢位哥哥真系好like讲烂gag~无奈ing...

路途中,影左啊king既傻样...

滴答滴答滴答..........终于都差唔多到啦~

好靓既风景``云、田、山,Oh,I  Like It 自然风光
见到好多呢D人,有枪、有电话、有好多奇怪既野!唔知搞乜东东?


====================================
12.00几左右终于都到达目的地啦~

去咗间文静差D要同距地理论既,写住吃猫肉狗肉店度吃午饭,

原来果度唔系食猫肉同狗肉,真系吓死。

不过我地几个女仔都食唔晒D野,真系几晒,
最后稳埋猩猩黎食,都系吃唔晒,而且我又唔吃得海鲜,
so,突然间觉得豆腐同豆角都好好味啊~~yummy yummy~

我地住既地方~咔咔

=========================================
我同小嫔一齐住,系住246号房

D房都算系甘啦~起码都算大,而且都好干净啦~(已经俾一楼既好好多)



系间房望出去影既,虽然影唔晒个海滩(沙扒湾),但系望出去既感觉so good~
===========================================
因为中午既太阳太猛了,
so,懒惰的我训左个午觉先去海滩玩~~
zzzzZZZZZ......
好啦~黎到海滩!
好靓既沙滩~哇!好似系诗en同埋啊ga既背影!hoho~上左镜头噜!
好正既海浪声,见到D浪,真系成个人都兴奋起黎啦!

=====================================================
几只小手板~哦!唔记得除左只表添,露馅了!
show翻几只女主脚先~咔咔~
Me

  =======================================================

好了,系沙滩疯狂左一个下午之后,

终于舍得翻房噜!打开电视睇咗个整野食既节目,

D蛋糕睇上去好好吃,搞到我同小嫔都觉得好肚饿。

。。。。。。终于静雯黎叫我地落去食野啦!

吃晚餐之前,我同卡车仲有燕清,依然走左去海滩影相~

黄昏时,太阳公公落山噜,不过好似有D乌云甘,棵树真系识长啊,竟然一枝独秀哦!

============================================

影完相,翻去吃饭啦!

除左诗en、小嫔同埋我系饮可乐之外,其他人都系饮酒的~

厉害啊!卡车同milk籽仲饮到面色好红润啊~

尤其系卡车哦!而啊菌竟然红都唔红下波?~!

不过果度上菜真系慢得可怜咯~

上左两碟送,吃左成半个钟啊,其他既都唔知等左几耐,

仲有生平第一次吃饭,大家都吃到好似问米甘啊,

因为太多蚊啊,搞到个个只脚都挂住踩蚊啊~

最后老细挪左D蚊香黎,先稍微平息左呢个情况!

==================================================

吃完饭之后,终于到左夜晚噜,

甘大个女第一次见到星星啊,好靓啊~~

不过可惜,相机影唔到啊,真系好靓啊~~而且好多添!

跟住玩烟花、放孔明灯、跳火堆...

仲有唔知边个挖左个坑,将四眼丢左落去!

真系搞笑啊!

好靓既滴滴金


丢四眼落去既坑~好深甘波~~


孔明灯啊~~快D许翻个愿望先!!



============================================================

经过一轮跑跑跳跳之后,crazy完啦~

跟住竟然发现唔见左条钥匙,哇!竟然话要100几蚊啊,

好彩当地既伯伯好好人,叫我哋唔使惊,再去稳清楚,之后距仲请我哋食荔枝添,

不过可以挂住打麻雀,都未食就已经俾空调吹干左!

而个导游滨哥哥仲识同我讲烂gag~真系服左距咯~

好彩带左电筒,卡车、啊milk、啊菌、燕清、仲有啊宝、奶妈、啊菲.......都一齐帮手稳

真系唔该晒啊,最后卡车终于都帮我稳到啦~~

真系爱死你啦,卡车!!锡淡先!

稳完钥匙,终于可以入房冲凉洗头啦,

哈哈哈~~之后,终于黎到我地既麻雀大战啦!

唔知从10点几定系11点几开始直落....

直到凌晨3点几啊,我哋竟然疯狂地打左通宵麻雀,

milk籽、啊菌、卡车、燕清一台,

诗en、小嫔、啊king、我一台(后来静雯同kamen轮住打)

3点几之后,我地为左睇日出,都一直无训到,

系度倾埋D无聊野~同八卦野!

好啦,到左4.30成班傻野,就走左出去沙滩排排坐,

等住睇日出~点知从天黑等到个天都开始光啦~

都未见到太阳,唉!原来日出都唔系系好平面升起!

跟住又bangbang声走去住果座楼既天台,等住影相!

可惜可惜~都无想象中既效果,



成个日出过程就系影到呢D野啦!!算啦!虽然无想象中既好,但系都ok啦~



===================================================

Oh,影完日出,成晚无训既我哋终于都系翻左去房度补眠啦,

从5点几睇完日出训到11点~

哇~简直就好似冬眠甘啊,训到都唔愿醒啊~ZZZZZ

训唔醒,总系个人神智唔系好清醒~

不过无办法啦,因为我哋1点钟要系大堂退房,只能够11点起床了。

1点九上车走人,终于都可以继续训觉啦~

车上都好静啊,因为个个都系度训觉!

1个几钟头之后....补完眠了...

跟住同大伙儿玩uno!

哇!回程时竟然大塞车啊!!

从1点九开车,直至到7点左右先到啊~

哇!简直系痴线啊!!坐左6个钟啦~

人都颠啦~终于翻到屋企啦!!

饮翻淡靓汤先~~正!


====================================

终于都写完啦~总既黎讲,都系一次难忘既毕业旅游啦~~happy

P.S:想睇更多既相,就去相册啦!!

好了,俺去训觉了....



 



本类别精彩推荐

编辑推荐

网友留言

公告栏

近期热点

近期大奖活动

战略合作伙伴:广州游拍信息技术有限公司