×

新导航介绍,点击查看

当前位置:旅游社区 > 旅游心情

4天疾走马来西亚(3)

(原创)
  • 发表日期:2009-06-09
  • 点击数:6884
  • 投票数:1

Cactus坐落于一间5星级酒店 Holiday Villa门前,背后有山。系一间开放式餐厅,连门都无。门前十分切合主题地种左几棵仙人掌。餐厅内以国旗做主题。每当有客人黎都可以准确甘叫出客人既名,感觉好似朋友甘。

 

 
 

Mr BaMarcoJam好热情甘招呼我地,比左杯超甜既西瓜汁同好似雪糕同奶昔既甜酒我地饮,加埋D泰国青芒,除左“正”都唔知可以用咩形容。

 
 

Mr Ba又同我地讲左好多兰卡威既情况。原来兰卡威土地以沙质为主,所以好难仲到野。可能因为呢个原因拉,路上见到既牛好瘦,山鸡好似白鸽甘大。而兰卡威既生态保护真系好好,山上有各种各样既蛇同蚺,仲有蝙蝠同穿山甲,不过就无狮子老虎等大型动物。有时距地开铺仲见到好多野生动物,都会一一送番距地归山。系厕所我仲见到《藏地密码》所讲果D色彩斑斓既青蛙类生物。虽然知道距有毒,但系难掩兴奋既心情。Cactus有好多益智游戏玩,我就砌到呢个系“苏good”见到既小游戏拉。

 

而餐厅既各人更系身怀绝技,魔术、戏法样样精通。

 

 

我地既晚餐吃左又香又辣既炒牛肉。

m
 
 

 

个酱汁超好味既煎鱼扒。

 

 

 

而马来西亚特色既沙爹又点少得。

 

  

老实讲,吉隆坡D送无论系中餐定印度餐都系偏甜,兰卡威既就接近我地既口味。

玩玩下益智游戏,又有甜品吃,炸香蕉伴雪糕。呢味野吾系讲笑,雪糕滑,香蕉炸得岩岩好,外脆内热。配合一齐吃简直系冰火两重天。

 

 

Cactus我认识左一对英国夫妇。同距地讲左一D关于中国,特别系南中国既情况。距地好惊讶点解中国人识讲英文,更加惊讶原来中国人识踢足球而且仲有联赛。唉~~~~~ -_-!!! 不过同距地倾计好开心。

CactusCactus识开花架,每晚10点开始绽放,12点系最靓既时候啦。甘大个人,第一次见到仙人掌花,好开心啊!!

 

 

开心既时间过得特别快,又到左离开既时间。529日又到左离开既时间。一早我地吃完酒店既美式早餐搭上Zulkifil既车去兰卡威机场,搭第一班机番吉隆坡。

 

 

 

 

好彩事先同Zulkifil约定,原来一早无咩的士。星期五、六系兰卡威既休息日,Zulkifil系出黎秘捞,距话前一晚已经带左老婆同子女去间外边木屋度假。多么写意既生活啊。

由我地番广州既机系下午410,即系话我地有5个几钟逗留系LCCT。原来5个钟过得好快,倾下计,周围行下就过。LCCT3间免税店,连我对买野吾系非常狂热既都逛得不亦乐乎。午餐系Old town搞掂。妈咪吃左怡宝鸡丝河粉。

 

 

我吃咖哩面+白咖啡。

 

见到menu上有个加央牛油厚包RM 2/份甘抵又要多份。

 
 

吾知咩原因,番广州既机竟然delay,飞上天果一刻已经系5点啦。LCCT既安检吾系好严,我带住樽水同酸柑都无被没收。候机室同样有直饮水可以斟,不过免税店就比出面果3间贵。LCCT可能因为系廉价机场拉,好多野都好简陋。检完票完全吾知系边上机,最后见到几个同机既人跟住行先上到机。

飞翻广州既时候脑海不由自主地浮现番过去4日系马来西亚发生既点滴。吉隆坡既建筑同美食,兰卡威既美景同人都令我深深不舍。仲记得前一晚当Marco距地送我地番酒店既时候,不由得慨叹一句“天下无不散之筵席”。

番到熟悉既白云机场已经接近9点,仲要等卫生防疫部门既人逐个嘟完体温先可以落机。D工作人员成付武装:头套、眼罩、N92口罩、脚套一件不少。好多人见到干2纷纷罗相机影相,但系都被要求删除。只有一个番薯点都吾肯删,仲好似好有道理甘。大佬阿,工职人员比你随便影既咩?仲要阻住我地D时间。

过安检果时行李睇都吾睇,净系睇你有无complete张健康申报表。-_-!!!

番到屋企差吾多11点,分埋手信训落床已经系1点几拉。同部分既战利品影张相先:

 

 

总结:

吉隆坡:感觉旧旧地,乜都比广州慢,无论系行路既速度定系地铁。空气中有好大既汽油味,无人睇红绿灯过马路。好多野吃,同埋系购物既好地方。不过Mr Ba话槟城先系马来西亚既美食之都。下次一定要去!!!!!!

兰卡威:除左舒服吾知可以用咩形容。妈咪话系果度只眼都清D。虽然环岛游好似好贵,但系由于Zulkifil既健谈介绍左好多有关景点既资料比我地知。如果识开车自己租车去D景点都只能走马观花。

 

遗憾:

1.    吃吾到本地榴莲。听讲吾系时候

2.    吃吾到肉骨茶。原来肉骨茶系吉隆坡都吾系周街都有

3.    无带电话,稳吾到吉隆坡D朋友。唉~~~~~丢三落四!!!

4.    影得好少相。4日既行程有3日都系乌云盖顶,剩番果日挂住叹,影得400几张相

5.    D相唔靓。见的人既无几张

6.    买吾到睫毛液。去吉隆坡果时间到机上由欧莱雅既睫毛液RM 52/3支,打算回程买既,点知回程班机话卖晒窝。

本类别精彩推荐

编辑推荐

网友留言

公告栏

近期热点

近期大奖活动

战略合作伙伴:广州游拍信息技术有限公司