×

新导航介绍,点击查看

当前位置:旅游社区 > 独家攻略

4天疾走马来西亚

(原创)
  • 发表日期:2009-06-09
  • 点击数:10340
  • 投票数:2
 
    一直都想同妈咪出去玩玩,想自由行又怕安排得吾好,始终带住妈咪样样事都要格外小心。千拣万拣趁住机票平就去转马来西亚拉。



2009525号,个天连续落左2日雨终于有D停既迹象。真系好,航班延误既条件又少一个。



800去到机场第一时间冲去罗boarding pass。去到Air Asiacounter眼都突埋,估吾到甘多人3个柜台前面都排晒长龙。排左半个钟眼见仲有2个就到我,后面突然有一堆貌似省港奇兵既人冲上黎打尖。前面D人若无其事,后面D人十分鼓噪。好彩妈咪醒目同我一人排一条队,无几耐就到啦。原来亚行仲处于原始阶段,boarding pass系手写既,而且仲系人手find out,怪吾知搞甘耐拉。虽然张机票平,但系我地都坐到窗口位,算吾错啦。



搞掂晒吃买早餐岩岩够钟入闸。亚行D机票实在太平拉,所以张机票乜都吾包既。去到候机室第一时间去斟水。广州机场真系好啦,有冷热水供应。安检后都有卖野既铺头既,不过贵到无论。吉隆坡同兰卡威既机场比较正常,饮料同出面同价,其它野比出面贵RM2左右。而且好多免税店,D野超抵



今次既航程预计4个钟,但系估吾到呢4个钟可以叫折磨。原因系隔离个男人全程系度祈祷,荷氏、绿箭、曼陀思、药膏一个都不能少。简直影响晒我地既心情!!!



冲上云霄后终于见到久违了的蓝天白云。如果一年有200日可以见到就好啦~~~~~~





 



飞机上系无“免费既午餐”订票既时候我订左一份“椰浆饭”,都吾错架。









 
 




其实亚行既飞机餐吾贵,RM 9/份,如果订机票果时订埋只要RM 7就得啦。饮野比较贵,所以都系带个壶去候机室斟算啦。广州同澳门机场都有直饮水。



飞左3个钟左右,开始见到D山、树、水塘同建筑物。仲见到一个个金色、蓝色既“洋葱头”。嘿嘿~~~吉隆坡在我脚下咯。



1420准时到达吉隆坡廉价机场(LCCT)。LCCT都吾系普通既简陋,要空姐指路先知点行。一落机就感受到热带地区既热浪逼人。虽然广州都系35℃,但系果种热发系吾同既。过custom人吾多,不过因为H1N1示虐,所以要填健康卡。Custom巡例都会问几个简单既问题,好轻松就过左。之前见到马来西亚既入境须知要求每人要带等值4000人民币既货币入境,今次无问又无检查。罗完行李,见吾到攻略上讲rateD既银行,甘求其稳间野换左钱先拉,吾差得好多。



行左半个机场都见吾到地图,好彩我整左本攻略比自己。吾识路就问人拉!!!



买完票,坐上鲜红色既sky bus,向KL sentral出发。













 
 




 



KL sentral,吉隆坡既交通枢纽,基本上去各地既车都会经呢度。由LCCT黎大概要1个钟。一上到去就好有流花车站+红棉既感觉。高高既楼底,阴暗既灯光,一间间小店铺,川流不息既人流。吉隆坡有3间公司负责轨道交通,搭吾同既公司既线要系吾同既售票窗买票。问到第三个窗终于买到去酒店既城铁(KTM)票啦。



我拣左间离KL sentral一个站既4星酒店。隔离有个shopping mall,入面有吉之岛同家乐福,旺中带静。不过呢短短既一个站就等左10几分钟,而且开得极慢。



一出站就见到间酒店拉,不过吾知点行,问左4次终于稳到间酒店。呢个马来西亚之旅系我问得最多路既一次……



间酒店叫Boulevard Hotel,就系Mid-valley mega mall隔离。连税RM 440/2晚,无早餐。有洗头水、牙刷等物品,我间房对住个泳池,夜晚都几靓架。









 
 




 



整理好行李就向第一站唐人街(茨厂街)出发拉。由于落过雨,无落机果时甘热。我地先去楼下既吉吉转个圈,革下价,方便一阵出手。



吉隆坡既轨道交通好发达,基本D主要景点附近都有站点。但系游客买月卡搭车就吾系好抵,所以我都系搭一次买一次票。本来想问下可吾可以直接买到唐人街既,但系沟通吾到,只好买到KL sentral既票啦(去到后期,每当遇到我吾识读既站,我都系罗住本攻略指比个售票员睇等距比票我)。正当我地研究紧边个口落站台时,一个讲中文既靓仔解救左我地。距系一个马来西亚华人,系一个大学生,解答左我地好多疑问。原来由于KTM经过好多繁华路段,所以要等灯。如果繁忙时间遇上塞车有时要等成个钟先有一班。晕咯,1个钟都去到深圳咯~~~~~~靓仔话E+唐人街无几多唐人聚集,以卖A货为主,比较复杂,要小心荷包。如果just take a look就最好吾好问价钱,否则会比人由街头闹到去街尾。



系靓仔既指导下,我成功买到去唐人街既车票。之后买左张电话卡。马来西亚有3大电话运营商,其中Digi既资费最平。打翻中国:固话RM 0.14/分钟,手机RM 0.45/分钟。张卡RM 15,其中RM 5系话费。而且全国统一资费,无国内长途同漫游。中国几时先有甘好呢?买电话卡采用实名制,要用护照登记。



KL sentral搭一个站到Pasar Seni行无几远就到唐人街拉。出左站,问题又黎拉,由于无地图,攻略又无写清楚点行,所以都系吾识路。有左上几次问路既经验,我发觉问路最好都系问D华人面孔既,会比较热心答你。由于呢区比较多印度人,所以等左一阵先见到一对华人母女,即刻上前问路。遥遥一指,原来近在咫尺。



行去唐人街途中见到一间印度教既寺庙,斯里马哈马里亚曼寺。寺庙建于1873年,系马来西亚最大的印度教寺院。庙前有花环、香和印度教神像卖。由于太过庄严,我地吾敢入区亦吾甘影相,快步离开。系马里亚曼寺转个弯就到唐人街。









 
 




 



茨厂街既感觉就好似西洋菜街甘,人多,鬼佬多,A货多。路上都有吾少既食店,以印度人开既为主,而且听讲价廉物美。不过由于睇吾明个menu都系稳间华人餐厅好D。行到去一间叫***饼店前面见到有好多鬼佬系度吃,就呢间拉。



 



老细系几个祖籍广东既中年华人,十分健谈。距地既祖辈已经黎左马来西亚,系香港同广东都仲有亲戚。系吉隆坡开传统中式饼兼做餐饮。系距地既铺头见到有好多久违了中式饼,例如红绫、白绫、烧包等。









IMG_0425.JPG


 


 
 
  

今次既马来西亚之旅用得最多钱就系食拉。第一餐相当丰盛:



首先,黑胡椒炒蟹。呢度既名菜点都要试。RM 30/只,老细话有600g。呢只蟹如果系D吃川菜既地方吃咩香辣蟹起码要成旧水。所以呢只蟹系我觉得成程最抵食既。









 


跟住就系马拉盏炒芦笋。一上黎见距又瘦又白以为好老拉。点知一吃,惊为天人。又爽又脆!!!同马拉盏配合得岩岩好。









 


主食系星洲炒米。原来马来西亚无韭黄家,所以同我地吃开既星洲炒米吾同。而且马来西亚D菜系短DD既,无论芽菜定豆苗。而米粉又特别既幼。









 


最后点少得沙爹同鲜榨果汁阿。我地要左4串牛肉4串鸡肉同菠萝汁。







 



 



吃完野,散下步荡去车站,番酒店。夜晚仲可以见到双子塔个头,好似粒钻石甘遥遥挂系星空中。漫步吉隆坡街头,空气并无想象中好。浓烈既汽油味同污染混合,加上周边人传出既“香味”,真系不太好受。



番到酒店见时间尚早就去楼下个shopping mall行下,顺便买早餐。呢个shopping mall好大,万宁、傻傻、屈人寺咩都齐。价格同香港差吾多。最抵系Body shop5折起。D眼影折完大概50几蚊人仔,而且D色仲好特别。可惜我吾用~~~~~~本来想买对波鞋既,点知马来西亚D款劲少。系吉隆坡既boutiqueseller真系好幸福,无人既时候可以全部坐晒系度。



行入吉吉,我变得异常兴奋。好多我中意既调味料、香料同材料卖。真系想买晒距!我地买左一个香兰蛋糕一盒豆奶做早餐。杨协成既饮品无论果汁定豆奶都系RM 2-3/1L,好平。







    番到酒店岩岩10点。去马来西亚之前吉隆坡D朋友就千叮万嘱要系10点前番酒店,否则会比较危险。本来想去泳池油下水既,不过妈咪吾去,我都系睇下电视拉。酒店既电视有8个台,4个系本地电视台,仲有ESPN。可惜住果2晚都无波睇,有波睇果晚酒店又无电视。可怜的我 >_< 。 本地电视无论节目定广告都会以马拉话、英文、普通话或者粤语其中一种播出。睇预告黄金时间仲有“溏心风暴之家好月圆”添。


 



526日,本来计划去云顶既,但系一早就落大雨,改变下行程拉。本来就对云顶无几多兴趣。而呢日就变做回教建筑之旅。由于我地D dressing code吾得,除左火车总站其它既建筑都系系外围望,无入去。如果要入去就要着按照回教既dressing code







(KTM既站台)




路线:独立广场苏丹亚都沙末大厦国家清真寺吉隆坡火车总站



独立广场 Merdeka Square是这里的标志性建筑,也是每年庆祝国庆的地点。1957831日,马来西亚国旗在这里第一次升起,标志着国家脱离英国统治而独立。广场南端当年的升旗点现在矗立着全世界最高的旗杆,高达100米。广场另一端是喷水池、廊柱和花坛组成的休息处,广场下的Plaza Putra 是一条地下美食娱乐街。宽阔的广场一边是欧式风格的草坪和荷兰式的建筑,另一边就是古老的阿杜勒萨马德建筑,完全是清真的风格。











高等法院(苏丹亚都沙末大厦) Sultan Abdul Samad Building,大厦位于Jl Raja Laut街上,独立广场边上。KLCC站坐地铁到Masjid Jamek站下,过了河对岸,就可以看到高等法院的背面。苏丹亚都沙末大厦是高等法院及最高法院所在地,系吉隆坡的标志性建筑。1897年建成,曾经是殖民者的总部。当初设计这幢大楼的两名设计师都曾在印度呆过一段时日,距地将大楼设计成印度和阿拉伯风格奇妙的混合体。楼的中央有一个40米高的钟楼,钟楼的造型类似英国的大本钟,被称为马来西亚大本钟,但在钟楼的顶部加上一个金色的半球形圆顶。钟楼两侧,各有一个塔楼,顶部也都有金色圆顶。每逢重大庆典,五光十色的彩灯照亮了整个大楼,令人感到这幢楼犹如阿拉伯神话世界中的城堡,雄伟而又有几分神秘。











 


 



 



 



沿着苏丹亚都沙末大厦(正面)和独立广场间的一条马路向南走大概走十多分钟,国家清真寺就出现在眼前。国家清真寺位于Jl Perdana街,吉隆坡老火车站边上。



国家清真寺以独特的现代设计表达出传统伊斯兰教建筑和装饰艺术的美感。最大特色是星形的屋顶,象征一个独立国家的抱负。73米高的尖塔直指蓝天,是吉隆坡的地标之一。该寺建于1974年,占地5.5公顷,可容纳8000人同时祈祷,为东南亚最大的清真寺之一,也是马来西亚伊斯兰教活动中心。屋顶由49个大小圆拱组成,最大的圆拱直径45米,呈18条放射星芒,代表马来西亚13个州和伊斯兰五大支柱。寺内经堂、走廊、图书室等的装潢和式样都与麦加的三大清真寺相仿。每逢星期五主麻日,虔诚的教徒们便涌向这里做祈祷。









 


 



吉隆坡火车站Kuala Lumpur Railway station位于Jl Sultan Hishamuddin街和Jl Tun Sambanthan街之间。是摩尔式建筑的典范,由建筑师克博设计,表现拱柱、圆顶;尖塔的特色,创造出拜占庭式的仙境。整个车站的设计像一个四方的城堡,火车道在中间。两边有城门供火车进出的。城门修的很精巧。火车从门洞中进出,仿佛又回到了那个年代。它在1910年建成,1986年装修改建,增加了现代化设施。













 


 



顺住路落就可以去番Pasar Seni。途中见到好多特色既建筑






果度有间吃印度野既快餐店,我地一人要左杯拉茶,share一份餐,盛惠RM 8.5



拉茶师傅好好,见我要影相明明拉好都特登拉多2次比我影







 


拉茶RM 1/杯,个餐有1只炸鸡髀、南姜饭、咖喱椰菜、咖喱青瓜同薯片。






 



吃完野,坐番LRTKLCC



KLCCKuala Lumpur city center。 国家石油双峰塔所在地。我地去到1130,上双峰塔天桥既票已经派晒。我地就系出面影下相,系入面行下街。打算等到入黑再影夜景。



国家石油双峰塔曾经系世界最高的摩天大楼,直到20031017日被台北101超越,但仍是目前世界最 高的双塔楼,亦系世界第三高的大楼。楼高452米,共地上88层,由美国建筑设计师西萨·佩里(Cesar Pelli)所设计的大楼表面大量使用了不锈钢与玻璃等材质,并辅以伊斯兰艺术风格的造型,反映出马来西亚的伊斯兰文化传统。





1楼至4楼系shopping mall,有伊势丹同百盛,其它都系boutique。除左LVBallyHummers等世界顶级品牌外其它boutique都系打开门做生意既。而无论世界顶级品牌定系其它品牌display都吾系普通既差,习惯将所有野堆埋一齐。



1楼有两件朱古力店,一间系靠中庭一间靠边。果度卖既朱古力品种多而且价钱比较合理。靠边果间仲有自家制曲奇同包装得好别致既朱古力。靠中庭果间有个讲广州话好叻既印度seller,好热情而且勤力。



伊势丹同百盛卖既野差吾多,不过伊势丹入面有supermarket,又系我既最爱!!!伊势丹好多特价野,特别系女装。最低系黛安芬既泳衣RM 40-50/件。Lancôme既睫毛膏都好抵,睫毛膏+眼霜+眼部卸妆液=RM 93Supermarket既店员好好。就算吾系自己负责范围既野都热心解答。听距地讲完先知道原来E+吾系吃榴莲既季节,只有泰国榴莲,但系泰国榴莲贵而且吾够本地既好吃。唉!!!我既榴莲梦破啦~~~~~~



行行下有D饿啦,去2楼既food court吃野。呢度吃野小贵拉。妈咪要左个冬阴功喇沙,RM 10.4



近期热点

近期大奖活动

战略合作伙伴:广州游拍信息技术有限公司