×

新导航介绍,点击查看

当前位置:旅游社区 > 大吃四方

Macau 一人行(一)

(原创)
  • 发表日期:2009-06-07
  • 点击数:6026
  • 投票数:2
  

    上月终于实现我一人游澳门计划,不过之前一直无时间发表,今个星期终于可以趁休息发上黎了。由于之前已经去过一次,所以都识识地路,不过去之前都怕荡失路嘅,但系途中发觉原来澳门D路好易揾噶。今次完全系去揾食,我自己都唔知我痴咗边条筋要一个人去,就算有F话要同我去我都唔肯,不过一日自由自在,果种感觉其实好正噶。

搭南湖嘅车,95分就到拱北了,955分先过到Mac,比上次耐啊。坐上新普京噶车,落车直奔大三巴,其实系想去食果边D嘢。

 

第一食  何开记   居然无印尼糯米鸡,又未食早餐窝,就要咗芫西饼同潮州粿,普普通通啦,不过都几贵,两块就5蚊啦。

 

第二食 恒友   本来无打算要食噶,因为一直都唔钟意食丸类,觉得系度食面粉甘,但系由于未食早餐,之前食果两块嘢又未饱,反正之前睇D评价甘好,就试试啦。要咗魚包蛋同芝心包,一食就爱上啦,魚包蛋出面果层有蟹子噶,食果阵间唔中会咬到,爽爽脆脆的,正,里面有包唔知咩肉,都好好味。但系无食到鱼同蛋,唔知点解叫魚包蛋 呢!芝心包里面D芝士好浓好香,而且煮到D芝士融晒,咬开会流出黎,正啊!咖喱汁好香,好惹味,攞黎食面就好啦!

 

第三食    檸檬車路    店里的MM好亲切好好人,好大方话可以试食的,就试咗金沙朱古力味,唔错,但系最后要咗冧酒朱古力味同榴莲味,25蚊双味,但系拣金沙朱古力味同冧酒朱古力味都要加5蚊,所以我果杯嘢就30蚊啦,真系贵,系广州我可能唔会食。可以拣杯装或脆桶,我就拣咗杯装,因为望落脆桶唔多靓。其实我食唔出金沙朱古力味同冧酒朱古力味有咩分别,但系冧酒朱古力里面就有一粒粒可能系果肉的东西,酒味好浓。榴莲味道的都好好味,榴莲味好重。不过总嘅黎讲D雪糕唔滑,但系味道就好好。

上次去无行大三巴后面,今次去行一行,原来有个博物馆噶,入面真系放住D骨噶,不过就无影啦。

 
喷水池
          何开记  
芫西饼同潮州粿
檸檬車路2009-6-7上传图片
芝心包   魚包蛋
檸檬車路
檸檬車路
檸檬車路
小熊貓  無食 留下次啦

本类别精彩推荐

编辑推荐

网友留言

公告栏

近期热点

近期大奖活动

战略合作伙伴:广州游拍信息技术有限公司